David Bowie llogra a títulu póstumu los primeres Grammy musicales de la so carrera

L’artista británicu David Bowie, fináu en xineru de 2016, fíxose esti domingu colos primeros premios Grammy musicales de la so carrera, según anunció l’Academia.

L’anunciu fízose demientres una ceremonia previa a la 59 edición de los premios Grammy, celebrada nel Teatru Microsoft de Los Ánxeles (California), onde se dan a conocer el ganadores en 75 de les 84 categoríes esistentes.

Bowie impunxose nes categoríes de meyor diseñu (galardón compartíu col director artísticu Jonathan Barnbrook) y al álbum meyor diseñáu de música non clásica (al pie de Tom Elmhirst, Kevin Killen, Tony Visconti y Joe LaPorta), dambos pol so discu póstumu, ‘Blackstar’.

El roqueru británicu primeramente consiguiera en 1984 un Grammy al meyor vídeu en formatu curtiu, por ‘Jazzin’ for Blue Jean’, pero nunca fuera galardonáu en categoríes musicales magar la so estensa carrera.

Mientres esa gala previa tamién s’anunciaron les victories del maestru John Williams a la meyor banda sonora pa un mediu visual, por ‘Star Wars: l’espertar de la fuerza’, y de Justin Timberlake (al pie de Max Martin y Shellback) al meyor cantar escritu pa un mediu visual, por Can’t Stop the Feeling’.