Abierta la preinscripción nos talleres gratuitos pa muyeres d’Avilés

La conceyalía d’Igualdá, en collaboración col Ministeriu d’Igualdá entama ocho talleres gratuitos empobinaos a muyeres empadronaes n’Avilés que se van celebrar na Casa d’Alcuentros de les Muyeres (Edificiu Fueru) a lo llargo de los meses de febreru, marzu, abril y mayu. Les inscripciones yá tán abiertes.

Los talleres tán llindaos a 15 places cada unu y va haber n’horariu de mañana y de tarde. Van ser presenciales, sacante’l de Marcha Nórdica’ que se va realizar al campu. Les muyeres comenenciudes tendrán d’escoyer los talleres a los que quieren allegar por orde de prioridá, rellenando la ficha de preinscripción que contien información sobre conteníos y horarios de los talleres y que puede descargase en:

https://aviles.es/documents/20124/1381011/PREINSCRIPCION+TALLERES+DE+FEBRERU+A+MAYU.pdf

Les prescripciones –nes que se va deber incluyir el nome apellíos, nº DNI, teléfonu y corréu electrónicu– pueden realizase na Casa d’Alcuentru de les Muyeres (Edificiu Fueru) C/ Fernando Morán 26; per teléfonu (985 52 75 46); o escribiendo al corréu electrónicu igualdadaviles.es

Más información