400 idiomes d’América tan amenazaos

N’América del Sur hai 420 llingües amenaciaes, sigún los datos qu’arrecueye l’Atles de la Unesco de les Llingües del Mundu en Peligru. La organización calcula qu’hai ente 8,5 y 11 millones de persones que falen estos idiomes.

Brasil ye’l país con mayor variedá llingüística de la rexón, pero también ye’l que tien más llingües en peligru. un total de 178. La causa ye que munches llingües pequenes sobrevivieron hasta agora pol pocu contactu que tuvieron col mundu esterior, pero anguaño l’amenaza ye mayor col aportar la civilización.

Nun hai una receta a siguir pa salvar una llingua y trátase d’un procesu que puede durar décades, sigún tolos llingüistes, porque precisase de la intervención d’espertos pa la enseñanza del llinguaxe y amontonar material pedagóxico.

El sofitu gubernamental ye unu de dellos elementos que pueden impulsar un procesu de revitalización, sigún Moseley, l’editor del Atles, que considera que pa que un idioma sobreviva’l deséu tien de salir dende la comunidá y los sos falantes. Coincide en que la calidá de la documentación y disponibilidad de materiales pa la enseñanza definen si un idioma puede o nun ser revitalizáu. “Ensin educación y alfabetización una llingua nun puede sobrevivir en competencia con llingües que sí la tienen”, asegura.

Otru camín pa caltener vivu un idioma ye’l so usu poles xeneraciones más nueves nos círculos sociales y al traviés de les nueves tecnoloxíes. Detalles como’l fechu de que fontes d’información como Wikipedia yá tean disponibles en forma escrita nuna gama cada vez mayor d’idiomes, inclusive los bien pequenos, ayuden a estes llingües qu’amorrenten.

Nel mundu, según la Unesco, hai unes 6.000 llingües, de les que calcula que la metá van queda desaniciaes pa finales d’esti sieglu. L’editor del Atles afirma que la tasa d’estinción amenorgó nos últimos años, pero siguen siendo manches les llingües amenazase.