El Café de les Artes trai “Les Camparines de París” a El Güertu

Esti próximu sábadu 14 de payares a les 18 hores y el domingu 15 a les 12.30 hores dientro de la Programación Infantil El Güertu en Familia, l’Espaciu Escénicu El Güertu presenta a Café de les Artes (Cantabria) con “Les Camparines de París”.
La obra ye un cuentu escritu por Alicia Trueba, que narra una hestoria d’artistes, d’amor y constrúi un aballador homenaxe a la ciudá de París, onde nunes determinaes circunstancies naz un artista de circu. Como describe’l cartafueyu de la obra, “una hestoria alrodiu de una dómina, alrodiu de un llugar pero sobremanera una hestoria avera del amor… Un home ta caminando por un cable a 300m d’altor escontra la torre Eiffel. L’ensame ensin aliendu atrópase y marmulla ante cada unu de los sos pasos… Pero… ¿Quién ye esi home?” París, 1892, na ciudá de grandes artistes y grandes inventos que faíen maraviar al mundu, una nueva estrella del famosu cabaré Folies Bergére y un deshollinador tán a puntu de conocese.

Les entraes yá tán a la vienta a un preciu de 5€ pa neños y neñes y 8€ p’adultos, con un abonu Familiar pa 2 adultos y 2 neños o neñes por 21 €. Tamién pueden acutales telefónicamente (985 391 133) o traviés del email (infoescenaelhuerto.com)
o adquiriles con antelación nel siguiente enllaz.