Un relatu participativu pa construir una historia de Museos

Los museos del conceyu fain estos díes una propuesta participativa na que cola collaboración de toles persones que lo deseyen va componese una narración ficticia teniendo como protagonistes a los pobladores del Xixón antiguu y l’heriedu que mandaron.

Va ellaborase un relatu participativu partiendo d’una serie de pieces depositaes en caúnu de los trés museos arqueolóxicos de Xixón. Nos museos van atopar los lladriyos – les pieces – colos que cada cual va crear una parte d’un llargu muriu que va conformar un relatu únicu. La hestoria va rematar cuando tolos oxetos propuestos – los lladriyos de la hestoria- fueren utilizaos.

Los museos arqueolóxicos empecipiaren la narración, una hestoria que tendrá de siguir al traviés d’una persona incluyida nun llistáu de participación a la que se va etiquetar y que va poder escoyer unu de los oxetos colos que se va filar lahistoria. Los museos arqueolóxicos, de la mesma, van etiquetar a otra persona de la llista por que siga la ficción.

Col relatu completu va realizase un vídeu nel que se va incluyir el testu unificáu de la hestoria, según les imaxes que quixeren unvianos.

Equí tán los lladriyos pa fabricar el llargu muriu de la nuesa hestoria.
Inscripciones en: museosarqueologicos@gijon.es

Arqueolóxicos de Xixón. Parque Arqueolóxicu –Natural de la Campa Torres. Muséu de les Termes Romanes de Campo Valdés. Muséu de la Villa Romana de Veranes.

Llunes 18 de mayu. Empecipio de l’actividá nales 12.00h nel Facebook de los Museos Arqueolóxicos de Xixón