14 kilómetros abre’l programa del VIII Ciclu de cine africanu en Xixón

L’octavu ciclu de cine africanu qu’entama LLATI Asturies va inaugurase esti miércoles 26 de setiembre a les 19 hores nel salón d’actos del Centru de Cultura Antiguu Institutu de Xixón y va desenvolvese a lo llargo d’ochobre.

14 Kilómetros, la distancia que dixebra los continentes africanu y européu nel Estrechu de Xibraltar, que la película qu’inaugura esti ciclu y que trata sobro la llongura, peligrosu y esperanzador viaxe que los protagonistes del llargumetraxe realicen al traviés de Mali, Níxer, Arxelia y Marruecos pa llegar a la Europa suañada. Nel coloquiu posterior a la proyección va participar Lamine Adjiba, coordinador local de los proyectos de cooperación al desenvolvimientu de LLATI Asturies en Senegal.

L’octavu ciclu de cine africanu qu’entama LLATI Asturies va siguir n’ochobre con proyecciones que van tener llugar nel Antiguu Institutu los díes 8, 16, 18 y 31 d’esi mes.

Centru de Cultura Antiguu Institutu. Salón d’actos. Miércoles 26 de setiembre a les 19.00 hores
Dirección y guion: Gerardo Olivares

España, 2007
Duración: 95 minutos