Xune Elipe publica “Hai una llinia trazada”, la so hestoria de la música asturiana

Xune Elipe publica “Hai una llinia trazada”, la so hestoria de la música asturiana
19 xineru 09:06 2022 Imprimir

Xune Elipe, cantante del grupu “Dixebra”, vieno acabante publicar “Hai una llinia trazada. Hestoria de la música asturiana”, col que llogró’l premiu Máximu Fuertes Acevedo” d’ensayu n’asturianu que concede la conseyería de Cultura. La obra, editada por Trabe, estudia la identidá musical asturiana dende los sos entamos hasta’l presente.

Al traviés de 25 capítulos, l’autor repasa los periodos, movimientos ya intérpretes más importantes, resaltando los datos y feches cruciales nel aportar de la música. Y too ello considerando a la música asturiana como un ente vivu y autónomu, non supeditáu nin dependiente d’otros procesos. Una hestoria contada dende dientro de la mesma música con un propósitu claramente pedagóxicu-divulgativu, encetando tamién el contestu’l que se desendolcó la música.

  Categories: