Xosé Antón González Riaño repite como presidente de l’Alla

Esti xueves 24 de xunu de 2021, llueu de fináu’l mandatu de 4 años de los cargos direutivos de l’Academia de la Llingua Asturiana, féxose’l procesu eleutoral en xunta estraordinaria y darréu d’ello salió escoyíu otra vuelta como presidente Xosé Antón González Riaño.

Xuntu a elli salió escoyida, otra vuelta tamién y por unanimidá, la direición siguiente:
-Presidente: Xosé Antón González Riaño.
-Vicepresidenta: Marta Mori d’Arriba.
-Secretariu: Xosé Ramón Iglesias Cueva.
-Vicesecretaria: Carme Muñiz Cachón.
-Ayalgueru: Carlos Lastra López.
Con esti segundu mandatu, la direición quier dar anuncia de que va siguir col llabor desendolcáu hasta agora nos ámbitos sociales y de normativización del idioma, al empar que trabayará fondamente por siguir nuna xera qu’ha empobinar, ensin dulda, hacia’l llogru de la oficialidá de la llingua hestórica de tolos asturianos y asturianes.