Lliteratura María Teresa Álvarez presentó n’Avilés la so última novela “La fía de la Indiana” by redacción asturnews 26 de febreru, 2019 written by redacción asturnews 26 de febreru, 2019 39 La conocida escritora y periodista candasina María Teresa Álvarez presentó esti llunes n’Avilés el so postreru llibro La fía de la Indiana. L’actu de presentación, nel que tuvo presente la conceyala d’Igualdá, Raquel Ruiz, tuvo llugar a les 18 hores nel Edificiu Fueru. La fía de la Indiana, al igual que les anteriores noveles de l’autora, ye de xéneru históricu. Narra la hestoria de Marina y Silverio, una pareya que vive mientres la década de los años venti en Candás xuntu con Rosita, la fía que Marina adoptó mientres la so estancia en Cuba, llugar al que deciden tornar por que la moza realcontrar colos sos raigaños. Esti fechu va tresmanar la vida de toos ellos, yá que nun son conscientes de qu’hai puertes que ye meyor nun volver abrir, y ye qu’en toles families hai secretos que ye meyor nun conocer. María Teresa Álvarez (Candás, 1945), llicenciada en Ciencies de la Información, foi la primer muyer cronista deportiva de la radio asturiana. En 1974 convertirtiose na primer presentadora del informativu territorial Panorama Rexonal, de TVE. Trabayó y collaboró amás n’otros medios rexonales como El Comerciu, La voz d’Asturies, la emisora de Radio Nacional d’España n’Uviéu y la de Radio Popular n’Avilés. En 1987 da’l saltu a Madrid para encargase de la subdireición de la sección de Cultura y Sociedá de los Telediarios de TVE. Un añu dempués, dexa los informativos diarios para realizar documentales históricu-divulgativos, ente los que destaca Muyeres na Hestoria. Amás, impartió numberosos cursos y seminarios coles muyeres como protagonistes. Exerce como escritora dende 1999, añu en que publicó la so primer novela La última pasión de Carlos V. Dende entós publicó trelce noveles, toes elles del xéneru de la novela histórica y con protagonistes femenines. 0 FacebookTwitterPinterestEmail Anterior EL Cine Fórum d’El Llano trai un documental distintu sobro sexualidaes diverses siguiente El CP Virxe de les Marees d’Avilés va treslladase a la Escuela Infantil de Cantares, que va acoyer un proyectu pioneru de 0 a 12 años Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...