Sociedá L’Academia y Llangréu roblen un conveniu que garantiza la normalización llingüística nesti conceyu “modélicu” by asturnet 13 de febreru, 2008 written by asturnet 13 de febreru, 2008 39 LAcademia de la Llingua Asturiana y el Conceyu de Llangréu firmaron esti miércoles un conveniu col envís de contribuir a la normalización social del usu del asturianu nel conceyu de Llangréu, y especialmente nel de la so alministración local convirtiendo a l’Academia nel muérganu asesor cimeru nel ámbitu llingisticu nel conceyu llangreanu, calificáu de modélicu pola Presidenta de l’Academia, Ana Cano, nel actu nel que roblaba’l conveniu cola alcaldesa de Llangréu Esther Díaz García. La firma tuvo llugar a les 13,30 hores nel salón d’Actos de la Casa Conceyu y cuntó cola presencia dEsther Díaz García, Alcaldesa de Llangréu, Ana María Cano González, Presidenta de lAcademia de la Llingua Asturiana, y Eloy Antuña, responsable de la Oficina de Normalización de Llangréu. La firma desti conveniu de collaboración aprobóse por unanimidá de tolos grupos políticos del conceyu en comisión de Cultura, Turismu y Política Llingüística pa dempués recibir tamién el preste en Xunta Gobiernu del conceyu de fecha 22 de xineru de 2008. Ayuntamientu y Academia comprométense por esti conveniu a collaborar en materia de normalización social del asturianu cola puesta en marcha de midíes afayadices quaseguren el respetu de los derechos llingüísticos de tolos ciudadanos y ciudadanes del conceyu. L’Ayuntamientu comprométese a seguir nel camín de la normalización tanto na Toponimia, oficializada dafechu hai poco como nel ámbitu de la comunicación na qu’ufierta mucnhes campañes davezu n’asturianu dafechu. Y l’Academia, amás de garantizar l’asesoramientu en tou tipu d’estayes ufre una coleición completa de les sos publicaciones pala Casa de los Alberdi, que sedrá inaugurada na primavera como centru de cultura empobináu a la llingua y la cultura tradicionales. LAyuntamientu de Llangréu, dicen los sos responsables sigue faciendo apueste pola normalización de la Llingua Asturiana y pola consideración de la institución como axente dinamizador del procesu de normalización y promoción del usu del asturianu nel ámbitu del conceyu. 0 FacebookTwitterPinterestEmail Anterior Asturies ye la comunidá más favorecida pol sistema de financiación con 3.314 euros por habitante siguiente Yvonne Timoianu y Alexander Preda ufren un conciertu na Casa Cultura d’Avilés Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...