La XDLA echa andar la iniciativa “Proyectu 2018 pa la Oficialidá” y convoca manifestación del Día de les Lletres

La XDLA echa andar la iniciativa “Proyectu 2018 pa la Oficialidá” y convoca manifestación del Día de les Lletres
03 mayu 17:48 2017 Imprimir

Al tiempu que convocaba pa esti vienres 5, a les 19,30 hores, dende la Estación del Norte d’Uviéu,a la so añal manifestación col lema de “L’asturianu llingua oficial. El futuru nes nueses manes”, la XDLA facía anuncia d’una iniciativa pa echar a andar la reforma del Estatutu d’Autonomía al traviés del artículu 56.1.La organización anunciaba esti miércoles la puesta en marcha d’una iniciativa pa echar a andar la reforma del Estatutu d’Autonomía al traviés del artículu 56.1, al mesmu tiempu que facía anuncia de la iniciativa yá cuenta col compromisu de más d’una cuarta parte de los diputaos y diputaes.

La Xunta pola Defensa de la Llingua Asturiana (XDLA) vieno acabante convocar tamién la manifestación col lema “L’asturianu llingua oficial. El futuru nes nueses manes”, esti vienres 5 de mayu, Día de les Lletres Asturianes, a les 19,30 hores, dende la Estación del Norte d’Uviéu.

Na manifestación va dase anuncia del “Proyectu 2018 pa la Oficialidá”: un proyectu pa echar a andar una reforma estatutaria al traviés del Artículu 56.1. Pa eso, contamos col compromisu d’un grupu, ampliu y plural, de más d’una cuarta parte de los diputaos y diputaes (cantidá mínima pa entamar un procedimientu de reforma estatutaria).

Pela primer vez na historia contemporánea d’Asturies, diz la Xunta pola “tenemos ente nosotros una oportunidá real p’abrir una reforma del Estatutu d’Autonomía d’Asturies, a costafecha pa incluyir la oficialidá del asturianu. Ye la primer vez que la Xunta Xeneral tien na mano aniciar un procesu de reforma ensin nengún de los partíos hasta agora mayoritarios”.

La convocatoria de la manifestación fina diciendo que “ye’l momentu de demostrar que’l futuru ye nuestru, que ta nes nuestres manes. El déficit democráticu que ta suponiendo la negación de los derechos llingüísticos de la ciudadanía asturiana a lo llargo de más de 30 años tien qu’acabar”.

Loading Facebook Comments ...