Felipe VI escaez otra vuelta l’asturianu al facer usu de les llingües d’España

Felipe VI escaez otra vuelta l’asturianu al facer usu de les llingües d’España
26 avientu 13:12 2018 Imprimir

Iniciativa pol Asturianu pide que l’asturianu tenga presencia xunto al restu de les llingües del Estáu tres de omprobar un añu más que’l Rei Felipe VI escaez l’asturianu al facer usu de les llingües d’España pa felicitar les fiestes nel so discursu institucional de Navidá.

Iniciativa pol Asturianu va facer llegar un añu más a la Casa del Rei la so quexa porque’l xefe d’Estáu nun usare l’asturianu xunto al restu de les llingües del Estáu nel discursu de Navidá. Un fechu qu’Iniciativa pol Asturianu ve como una desilusión y “una nueva marxinación de la llingua asturiana frente al restu de llingües del Reinu per parte de la Casa Real y el Rei”, como yá denunció la organización en delles ocasiones.

Dende Iniciativa pol Asturianu recuerden que “el fechu anómalu de que la llingua asturiana nun seya entá oficial nun quita pa que la Casa Real use l’asturianu, yá que la normativa actual obliga a les instituciones a protexer y fomentar el so usu”, acordies colo qu’establez l’Estatutu d’Autonomía y la Llei d’Usu del Asturianu, amás de la Constitución y la Carta Europea de les Llingües Minoritaries, roblada por España.

Por ello Iniciativa pol Asturianu solicita al xefe d’Estáu que, “como yá fai la Fundación Princesa d’Asturies en dalgunes de les sos comunicaciones dende va años, faiga usu del asturianu, una llingua española protexida pola Constitución, nel so discursu de Navidá y n’otros momentos d’especial simbolismu, asina como nes sos visites y les de la Princesa a Asturies”.

  Categories:
Loading Facebook Comments ...