Lliteratura Esther Prieto algama’l Premiu Timón 2015 by asturnet 19 de marzu, 2015 written by asturnet 19 de marzu, 2015 59 La escritora cabraliega Esther Prieto ye la ganadora del IX Premiu Timón pa escritores en llingua asturiana y eonaviego convocáu pola Asociación Cultural L’Arribada, según alcuerdu d’un xuráu formáu por Vicente García Oliva, David M. Rivas, Xuan Pandiella y Humberto Gonzali, actuando como secretaria Mayte González. L’autora, nacida n’Arenas en 1960, ye llicenciada en Filoloxía Hispánica pola Universidá d’Uviéu. Ente los títulos qu’integren la so obra espublizao destaquen los llibros de poesía Edá de la memoria (1992) y La mala suerte que ganó en 1998 el premiu Teodoro Cuesta. En 2001 llogra’l XXII Premiu Xosefa de Xovellanos cola novela Güelu Ismail. Creadora tamién d’obres de lliteratura infantil, apaez nes principales antoloxíes poétiques asturianes y, con dos cuentos, na antoloxía Muyeres que cuenten (1994). Esther Prieto ye la responsable de la edición lliteraria de la obra de dos autores de postguerra, Llorienzu Novo Mier (1991) y Cuno Corquera (1993) y autora de Gramática d’asturianu. Guía de consulta rápida. Trabaya na editorial Trabe en calidá de codirectora. A la edición de 2015 del Premiu Timón presentárense, amás de la d’Esther Prieto, les candidatures de Lurdes Álvarez, Cristina Muñiz Martín, Xosé Miguel Suárez, Esther García López, Belén Rico, Adolfo Camilo Díaz, Taresa Lorences, Xavier Frías Conde, Ignaciu Llope, Xosé Lluís Campal, Xulio Berros, Xulio Arbesú, Alberto Cobreros Gil, Consuelo Vega, Miliol del Nido, Carme Martínez Pérez, Xilberto Llano y Ánxel Álvarez Llano. Los ganadores anteriores del Premiu Timón fueron Nené Losada Rico (2007), Xuan Xosé Sánchez Vicente (2008), Manuel García El Galano (2009), Roberto González-Quevedo (2010), Vicente García Oliva (2011), Antón García (2012), Miguel Rojo (2013) y Xosé Bolado (2014). El gallardón del Premiu Timón, consistente nuna obra del escultor y ceramista xixonés Jesus Castañón, entregaráse en setiembre mientres la cellebración de la décima edición de LArribada. 0 FacebookTwitterPinterestEmail Anterior Carlos Casado, un uvieín emigráu a Nueva York, funda la primera banda gaites asturiana dEstaos Xuníos siguiente La expo “La Puerta a Oriente” viaxa a Avilés Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...