Portada Cine Avilés homenaxea a Dylan nel so 80 cumpleaños con conciertu y estrenu d’un documental

Avilés homenaxea a Dylan nel so 80 cumpleaños con conciertu y estrenu d’un documental

by redacción asturnews

El festival musical “Avilés Ciudá Dylanita” torna en 2021 al formatu presencial, siquier no que se refier al habitual conciertu col que la ciudá homenaxa cada añu al célebre músicu de Minnesota. Va Tener llugar na Casa de Cultura’l vienres 21, a les 20 hores,  ente que’l martes 24 de mayu producirá l’estrenu online del documental “Dylan nel paraísu, tres los pasos de Bob Dylan n’Asturies”.

La conceyala de Cultura, Yolanda Alonso, y el promotor musical Béznar Arias, presentaron el sábadu pasáu la décimu cuarta edición d’esta doble cita, unu de los eventos musicales imprescindibles y distintivos d’Avilés que cada añu axunta a un públicu fiel en redol a la figura del músicu, compositor, cantante y poeta estadounidense.

Tres la obligada celebración telemática de la pasada edición, el recital torna al so escenariu habitual: l’auditoriu de la Casa municipal de Cultura. Y failo con un plantel de 16 músicos de la escena avilesina y asturiana encabezaos por Ivo, de la banda Moñecu Vudú, quien va faer les vegaes de Bob Dylan.

Acompañaránlu Rubén Álvarez & Ariane Valdivié, Broken Roads (Cova del Campu y Pedro Claros), Jorge Oteru (Stormy Mondays) & Juanjo Zamoranu, Miguel Herrero y Sandra Lusquiños, Luismi (Leather Boys), Tony Ferrer & Mino Nieto, Nachu García & Macías, Picu & Kike Lusquiños.

Más información

Tamién te podria gustar