Zanfona y violín van ser los protagonistes esta nueche nel conciertu del duu Chabenat y D. François en Xixón

Los amantes de la música tradicional tienen una cita esta nueche na Colexata San Xuan Bautista de Xixón el duu Chabenat y D. François, interpretes de zanfona y de violín y nickelharpa respactivamente. El recital, organizáu pola entidad financiera asturianu Cajastur, va escomenzar a les ocho la tarde con entrada de baldre y llibre hasta completar l’aforu de la sala.

Gilles Chabenat ye un de los músico franceses que más tan afondando nos raigaños de la música popular francófona, concretamente la interpretada con zanfona nel centru del país. Escribió música pa obres teatrales d’Enzo Corman y piezes pa la banda sonora del film “Le Frere du Gerrier” del cineasta Pierre Jolivet. Actúa davezu xunto a Eric Montbel, Gabriel Yacoub, Patrick Boufard y, como nesta ocasión Didier Francois.

Didier Francois pela so parte ye un respetáu violinista (ya interprete de nickelarpa) formáu nos Conservatorios de Bruseles y Amsterdam jazz en dellos cursos y talleres. Compuso música pa ballet, teatru y cine. Son destacables les sus collaboraciones con St. Grapelli y Gabriel Yacoub.