Portada Cine El documental “Fronteiras” va echase nel Festival Internacional de Cine de Xixón

El documental “Fronteiras” va echase nel Festival Internacional de Cine de Xixón

by asturnet

Dientro de la sección “Esbilla” del Festival Internacional de Cine de Xixón, va poder vese el documental “Fronteiras”, un documentu emitíu yá pela televisión gallega y que causó polémica n’Asturies. Nel documental fálase de les zones que dalgunos consideren de fala gallega fuera de les fronteres de Galicia.

Na páxina web del Festival Internacional de Cine de Xixón recuéyese la siguiente nota “La mestura de Fala y Asturianu que se fala na llende ente Galicia y Asturies ye casi una neo llingua, un híbridu que garra de la una y del otru y a vegaes hasta se confunden. Una visión dende Galicia d’esti fenómenu cultural na llende.”.

Nel documental opinen los políticos, llingüístes, hestoriadores y la xente de la cai, según cuenta la productora “los que lo falen con total naturalidá, ensin dramatismos ideolóxicos y dende siempre”. Dalgunos de los personaxes más destacos son Xosé Lluis Méndez Ferrín, Xosé Manuel Beiras, Manuel Fraga y dende Asturies, la Presidenta de l’Academia de la Llingua Asturiana, Ana Cano y l’ex Xefe de la Oficina de Política Llingüística del Principáu, Ramón d’Andrés ente otros.

El documental va poder vese na sala 3 de los Cines Centro de Xixón, el 29 de payares a les 19:45 hores y el día 30 nel CMI Xixón-Sur, a les cinco la tarde.

Páxina n’asturianu del Festival Internacional de Cine de Xixón

Tamién te podria gustar