Portada Política Xuristes pol Asturianu critica la xera d’IU-BA-Verdes nel gobiernu asturianu no que cinca a la normalización llingüística

Xuristes pol Asturianu critica la xera d’IU-BA-Verdes nel gobiernu asturianu no que cinca a la normalización llingüística

by asturnet

L’Aconceyamientu de Xuristes pol Asturianu acusó esti día nun duru comunicáu a los dos conseyeros qu’Izquierda Xunida-Bloque por Asturies-Verdes tien nel Gobiernu autononómicu, Noemí y Aurelio Martín por “desdexar” l’usu normal de la llingua asturiana y los topónimos tradicionales na so aición de gobiernu. L’aconceyamientu acusa a dambos representantes autonómicos d’incumplir los sos compromisos electorales y políticos al nun afitar l’usu del asturianu na alministración siguiendo les pautes que la coialición afitó na so anterior participaciónnel gobiernu d’Asturies.

“Nel tiempu que dambos lleven de conseyeros desaniciaron lo poco andao pelos sos predecesores”, afirmó l’Aconceyamientu pa criticar a Noemí y Aurelio Martín por constatar el gechu de anguaño “nun apaecen impresos n’asturianu nin na conseyería de Mediu Rural y Pesca, nin la de Bienestar Social y Vivienda, nin pa la contratación alministrativa, nin nos formularios pa los trabayadores, y menos entá nos concursos o sovenciones”. Amás, les rotulaciones qu’había allugáu’l gobiernu anterior de coalición, “van esmuciendo, pasu ente pasu o de calón, de los llugares nos que se punxeron y nes sos conseyeríes nun apaecen indicaciones nueves na llingüa del país”.

Tamién te podria gustar