Xune Elipe pon música al llibru Rockmería na Casa Posafuelles

El periodista musical y cantante del grupu Dixebra, Xune Elipe, va tar güei na Casa Posafuelles d’Uviéu, el chigre de la Xunta pola Defensa de la Llingua Asturiana, a partir de les once la nueche, col envís de presentar el so llibru “Rockmería” d’un mou especial. El músicu asturianu va dir amosando los estremaos estilos qu’apaecen nel llibru, espublizáu apocayá pola editorial Ámbitu, y que se basa nel so programa de radio na RPA.