Xorrez el númberu de falantes d’Euskera

El númberu de persones mayores de 15 años que falen euskera y castellan xorreció n’Euskadi durante los últimos 15 años, dende 1991 a 2006, un 6%. Trátase d’una meyora de 138.400 persones, lo que supón pasar de 419.200 billingües a 557.000, sigún se recueye na IV Encuesta Sociollingüística del Gobierno vasco, realizada al traviés de 7.200 cuestionarios y que se presentaba esti miércoles pela mañana.

Anguaño, el 30,1% de la población de la Comunidá Autónoma Vasca ye billingüe y el 18,3% entiende l’euskera pero nun lu emplega davezu, frente al 51,5% que sólo fala y entiende’l castellán.