Xornaes Micolóxiques nel Monte Deva

Como cada mes de payares empiecen a crecer miles de variedaes d’hongos y la so busca ya identificación ye una actividá que nun puede faltar nel CIN del Monte Deva esta fin de semana.

Dende’l CIN del Monte Deva pretende educase na conocencia d’esti ampliu mundu de la micoloxía  al cargu d’espertos seteros gracies a la collaboración de la Sociedá Asturiana Micológica.

Les actividaes entamaron esti sábadu 21 de payares ente les 10.30 y les 11.00 hores cola Charra “Iniciación a la Micoloxía” cola collaboración de la Sociedá Asturiana de Micoloxía. van apurrise conceutos básicos sobre micoloxía, identificación y recoyida desetas.

Depués entramó l’itinerariu pola contorna del Monte Deva empuestu por miembros de la Sociedá asturiana de Micoloxía nel que podrán reparase y recoyer les especies de cogordes más comunes nos distintos hábitats de la redolada del Monte Deva. Los participantes que recoyeren exemplares raros o una gran variedá desetas van poder tomar parte nos concursos: “concursu de la meyor cesta” y“concursu de la cogorda más rara” nel que los miembros de la SAM van ser losjueces quien otorguen el ganadores.

Pela tarde desenvuélvese’l Taller d’identificación de les cogordes recoyíes mientres l’itinerariu con ayuda de los espertos de la Sociedá Asturiana de Micoloxía.

Demientres el domingo va haber una esposición de los exemplares recoyíos na xornada na Sala de Talleres del CIN y amuesa de les cogordes presentaes a concursu na Sala d’Esposiciones. Esposición de reproducciones de les cogordes más comunes nos montes asturianos.

Ente les 11.30 y les 13 horas van desenvolvieses talleres d’educación ambiental y actividaes d’entretenimientu pa neños y neñes na Sala Taller del CIN. Van realizase manualidades utilizando elementos naturales, y xuegos nos que los neños y neñes aprenderíen a estremar les distintes partes de los hongos y la so importancia nel monte. A partir de 7 años. Ye necesaria la inscripción previa

La clausura de la esposición de les cogordes presentaes a concursu y el fallu del premiu del Concursu a la meyor cesta” y a la “Cogorda más rara” va ser a les seis de la tarde.