36 restoranes embaxadores el Desarme van donar 400 menúes solidarios para otres tantes families esta Nuechebona

L’alcalde, Alfredo Canteli y el Cofrade Mayor de la Confrería del Desarme, Miguel Ángel de Dios, presentaron esta selmana, na plaza del Conceyu, la campaña de Menúes Solidarios 2022″, na que los restoranes embaxadores de la Confrería van donar menúes para 400 families precisaes en collaboración con Cáritas y la Cocina Económica. A ellos hai que sumar otres 250 persones que van allegar de forma presencial esa nueche al comedor de la Cocina Económica, que tamién va ellaborar el so propiu menú.

Miguel Ángel de Dios especificó “400 menúes que se van apurrir a les families col sofitu de Cáritas, la Cocina Económico y Coco Cola al traviés de 36 restoranes embaxadores de Desarme. El 23 d’avientu van faer una media de 12 menúes para dos persones por que toes les families puedan esfrutar d’esti menú solidariu. L’añu pasáu foi’l primer añu que lo fiximos y tuvimos una gran reconocencia. Ye un esfuerzu de tolos restoranes para faer esta iniciativa única n’Uviéu. Tamos bien contentos. Los menúes son dobles y cada restorán va dar el qu’iguara: pastel de caracho, corderu, sopa de mariscu… de los 36 restoranes participantes va haber otros tantos menúes”. De Dios esclarió:” los destinaos a Carines, van partise al traviés de la parroquies d’Uviéu que van pasar dende les 11.30 a les 13.30 hores polos restoranes y los que son de la Cocina Económica va llevar Coca Cola a la Cocina Económica y van apurrise a partir de les 16 hores.

L’Alcalde, Alfredo Canteli, felicitó a el organizadores esta iniciativa “tan importante para los uvieinos” y refirióse a asuntos d’actualidá.

La directora de Cáritas n’Asturies, Elsa Suárez, destacó’l componente de “dignidá” qu’apurre la recepción d’estos menúes para les persones beneficiaries, ente que la responsable de la Cocina Económica, sor Fernanda García, destaca qu’esta iniciativa confirma la marca solidaria” de la ciudá.