Xaime Martínez & La Familia Tradicional aporten al Xovellanos

Esti miércoles 26 de mayu de 2021 a les 20 hores, el Teatru Xovellanos va acoyer a Xaime Martínez & La Familia Tradicional, una banda con dellos músicos provenientes de formaciones con llongues traxectories na música asturiana.

Ósculos d’agua nel Imperiu Asturianu (Araz, 2018) ye’l primer llibru-discu del escritor y músicu Xaime Martínez en solitariu (Premio Nacional de Poesía Joven 2019 col so llibru Cuerpos perdidos en las morgues). Nel llibru-discu plantégase una reflexón — irónica, fictocientífica y llírica— sobre la identidá y la hestoria asturianes. Un cantar d’esti discu («Discursu de Belarmino Tomás énte los sos soldaos mentes camina sobre les agües del ríu Nalón») foi finalista de Premiu al Meyor Cantar de la Conseyería de Cultura y Deporte del Principáu d’Asturies en 2019.

Na banda nomada LA FAMILIA TRADICIONAL, qu’acompaña a XAIME MARTÍNEZ en directu, hai dellos músicos provenientes de formaciones con llongues traxectories na música asturiana (La Bande, Edwin Moses, Burbujas y otros seres despreciables, La Villana, Mingote, Autotan, etc.). Con esti formatu tienen pasao per festivales d’ámbitu nacional como Una Señora Fiesta o Nuevos mundos, y el discu foi presentáu en sales de Barcelona (Sidecar) o Madrid (Poesía o Barbarie, Conde Duque) y en festivales (Erató Fest, Toledo).

Teatru Xovellanos
Cuando:  26 de mayu de 2021 a les 20:00

Más información