Uviéu presentó la programación navidiega coles families como protagonistes

El Conceyu d’Uviéu, al traviés de les conceyalíes de Cultura y Festexos, presentó esta selmana la programación navidiega. Ficiéronlo los responsables municipales de dambes árees, el presidente de la Fundación Municipal de Cultura, el conceyal José Luis Costielles y la conceyala de Festexos, Cuadonga Díaz.

“Anguaño foi una xera titánica consiguir sacar alantre la programación cultural navidiega, que ye, como bien sabéis, unu de los  platos fuertes de la Navidá xuntu col llume de les nueses cais, poles restricciones, incertidume y retrasu al que vimos sometíos anguaño tan complicáu. Pero, como venimos diciendo desque tou esto empezó, allá per marzu, cuando lo fácil sería suspender ensin más, fíxose un esfuerzu por salvar la programación, con un doble oxetivu: que la ciudá nun se quedara ensin actividaes culturales navidiegues y que’l sector cultural, el texíu d’autónomos y empreses que viven d’esto, tamién pudieren siguir trabayando, cuidao que esto ye’l sustentu de bien de families”, empezó Costielles señalando que’l programa “pon nel mapa a Uviéu con una Navidá cultural de primer nivel, escurrida por y para les families, que se merecen anguaño más que nunca unos díes para esfrutar y recuperar la ilusión nun añu tan duru como este. Actividaes, poques gracies, suxetes a los máximos controles y condicionaes polos estrictos protocolos de seguridá ya hixene sanitaria, que son lo prioritario anguaño, y que siguen cola llínea de les actividaes que yá vinimos programando dende’l fin del confinamientu: Cultura Segura con resultancia de 0 biltos de Covid”.

Más información