Una ventena d’escolares protagonicen el plenu pel Día de la Constitución n’Uviéu

Una ventena de neños y neñes de 5º cursu de primaria del colexu públicu Ventanielles protagonizaron esta selmana una sesión plenaria por cuenta de la celebración el día 6, del Día de la Constitución.
Los escolares recibieron la visita del alcalde, Wenceslao López y de dellos miembros del Equipu de Gobiernu municipal, ente ellos, la conceyala d’Educación responsable d’esta actividá.

La Conceyalía d’Educación, entamó nel Salón de Plenos del Conceyu una sesión del Plenu con  neños y neñes de 5º cursu de primaria del colexu públicu Ventanielles. Amás, visitaron les dependencies municipales. L’oxetivu xenéricu de l’actividá ye que l’alumnáu participante conoza’l funcionamientu del Consistoriu y en concretu, el desenvolvimientu d’una sesión plenaria y los mecanismos de toma de decisiones del Conceyu.

Los escolares recibieron la vista del alcalde, Wenceslao López, lo mesmo que de otros miembros del Equipu de Gobiernu del consistoriu, ente los que s’atopaba la responsable de la Conceyalía d’Educación, Merced González. Asina, tuvieron la oprtunidad de compartir les sos duldes y moliciones colos conceyales.

La sesión empezó con una llectura del orde del día y darréu la cocneyala recordó-yos qu’el 6 d’Avientu celebrase’l Día de la Constitución y esplicó, al traviés d’exemplos, la importancia del respetu a la mesma, intentando espertar l’interés pola so conocencia, de manera  que tomen conciencia cívica de que la convivencia hai de tar basada nel respetu a les opiniones y llibertaes de los demás , con cuenta de consiguir  una sociedá más democrática tal que s’establez nel Preámbulu de la Carta Magna.