Portada Política Una encuesta de BA-UNA ufre un diputáu a la coalición

Una encuesta de BA-UNA ufre un diputáu a la coalición

by asturnet

Les fuerces d’izquierdes sedríen mayoría na Xunta Xeneral depués del 22 de mayu polo que cinca a la circunscripción central, según una encuesta fecha por Estudios Sociales y Servicios a la Comunidá pa la coalición formada pol Bloque por Asturies (BA)y Unidá Nacionalista Asturiana (UNA).

Según esta encuesta, qu’asoleyó esti día Europa Press, los 34 escaños de la circunscripción central repártiríense con 14 pal PSOE (37,1% d’intención de votu), 9 pal PP (25,2%), 6 pa FAC (16,4%), 4 para IU-Verdes (12,8%) y 1 pa BA-UNA (3,3%). PAS-URAS, UPyD, Ideas y otros nun llograríen representación pola circunscripción central.

La ficha técnica de la encuesta diz que se fizo na segunda selmana del mes de marzu per mediu d’entrevistes telefóniques en families, per selección aleatoria de númberos de teléfonu, y con distribución proporcional nos conceyos. En total realizáronse 1.000 encuestes.

Tamién te podria gustar