Un mozu desconocíu va encarnar a Obama nun filme sobre la so mocedá

Devon Terrell, un mozu desconocíu, va ser l’encargáu d’interpretar mientres la so mocedá al presidente d’Estaos Xuníos, Barack Obama, nuna película independiente dirixida por Vikram Gandhi.

Terrell foi afayáu por Steve McQueen, el director de 12 Years a Slave, quien decidió da-y el papel protagonista nuna nueva serie de HBO llamada Codes of Conduct en completando un refechu procesu de selección per tol mundu. Pa Terrell, ésti va ser el so primer llargumetraxe.

La cinta, conocida como Barry,va centrase nos años d’Obama como estudiante en Nueva York a empiezos de la década de 1980, onde va conocer a una moza que dexa una buelga importante na so vida, según rellata la publicación.

Esi personaxe femenín dirá parar a Anya Taylor-Joy, una nueva revelación de Hollywood gracies a el so papel nel filme de terror The Witch. Black Bear Pictures (The Imitation Game) va ser la productora de la obra al pie de Cinetic Media. El rodaxe de la película va empezar n’abril. El guión cuerre al cargu de Adam Mansbach, un autor conocíu pol llibru Go the F××× to Sleep y pola novela Angry Black White Boy.

Tratase del segundu proyectu cinematográficu sobre la figura d’Obama na so mocedá. Southside With You, que xira en redol a los primeros años de la so relación con Michelle Obama, estrenase en xineru mientres el festival de cine independiente de Sundance. Miramax y Roadside adquirieron el proyectu, protagonizáu por Parker Sawyers y Tika Sumpter.