Un 8 Setiembre soberanista

Esti próximu llunes 8 setiembre la iniciativa #LluchandoPolaSoberanía va volver protagonizar el día d’Asturies al llanzar el lema “Pa tresformar Asturies” distintes organizaciones y personalidaes de la izquierda soberanista asturiana que van movilizase de forma conxunta n’Uviéu.

L’actu quier ser novedosu en cuantes al formatu y al so diseñu fechu n’asamblees abiertes y va tener como característica fundamental “el protagonismu de movimientos sociales en base a cuatro exes: mocedá y educación; llaboral y drechos sociales; xéneru y llibertaes sexuales; ecoloxismu y mundu rural”.

La manifestación va salir a les 12.30 del Paséu Los Alamos d’Uviéu y va llegar hasta la Plaza’l Paragües, onde va haber dellos actos tola tarde como espicha, xuegos tradicionales, cuentacuentos y música.