The Kleejoss Band va ufiertar el so primer conciertu n’Asturies na Factoría Cultural

The Kleejoss Band va ufiertar el so primer conciertu n’Asturies el miércoles 28 de marzu a les 21 hores nel espaciu escénicu de la Factoría Cultural.

Sustitúin al conciertu de The Brew, programáu pal 20 de marzu, qu’atayó la so xira por cuenta de la enfermedá d’unu de los sos miembros. Les entraes tán a la vienta al preciu de 8 euros (10 euros el día del conciertu)

The Kleejoss Band visita per primer vegada Asturies para presentar el so cuartu trabayu, Inception, el próximu sábadu 28 de marzu a les 21 hores nel espaciu escénicu de la Factoría Cultural. La banda zaragozana fai un rock and roll con una visión personal que se caracteriza pol so sabor sureñu y el so auténticu soníu americanu.

Les entraes pa esti conciertu puen adquirise nos puntos de vienta habituales (Factoría Cultural, Casa Municipal de Cultura, caxeros Liberbank y en https://entraes.liberbank.es/), al  preciu de 8 euros (compra antemanada) y de 10 euros el día de l’actuación a partir de les 20.00 hores na Factoría Cultural.

Ye difícil atopar una banda más destacable nos tiempos caberos que The Kleejoss Band: publicaron cuatro discos dende’l so llanzamientu que foi en 2014. A lo llargo del so curtiu y prolífica carrera conxunta presentaron la so música en múltiples ciudaes ya importantes festivales amás y recibir galardones como’l de Meyor Directu nos últimos Premios de la Música Aragonesa.

The Kleejoss Band supo xugar col soníu más tradicional p’amestar les sos propies innovaciones, siempres dende l’almiración a les grandes figures del Rock and Roll y el respetu y cuidu al públicu. D’esta manera consolidaron un estilu propiu que se nutre innegablemente de los grandes nomes de los años 70, como Zeppelin y Neil Young, ya incorpora un soníu más actual con influencies grunge y stoner.

Cola intervención de The Kleejoss Band termina’l primer ciclu de 2018 de Factoría Sound al que-y siguirá unu nuevu que se va enllargar mientres los meses d’abril y mayu coles siguientes actuaciones:

Dead Broncu (País Vascu) el 7 d’abril

Sven Hammond (Países Baxos) el 21 d’abril
Them Dirty Roses (Estaos Xuníos) el 5 de mayu.

L’abonu pa esti segundu ciclu ta yá disponible para la so compra al preciu de 18 euros (6 euros per conciertu).