Talleres pa mayores de 60 años per internet al traviés de la Caixa

La Fundación la Caixa, en conveniu col Gobiernu del Principáu d’Asturies, impulsa talleres virtuales en directu pa les persones mayores de 60 años, que’l so conteníu va enfocáu a satisfaer les necesidaes actuales de tal población.

Van formase distintos grupos de talleres per internet gratuitos nos itinerarios de salú, desenvolvimientu personal, competencies dixitales y promoción de llectura. El períodu d’inscripciones va tar abiertu hasta’l 12 de febreru, con una solicitú máxima de trés itinerarios per trimestre y por persona. Pa ello, ye necesariu cuntar con un dispositivu electrónicu, con conexón a internet y cámara incorporada.

Tolos itinerarios propuestos escuerren el mesmu oxetivu: llograr un desenvolvimientu más harmónicu y equilibráu, ufiertando actividaes complementaries qu’afonden n’una meyor salú y bienestar. Coles mesmes, quieren maximizar les capacidaes y recursos personales que fomenten un bon avieyar, aumentando la motivación nel día ente día.