Syntexto lleva a la Fresnera Oh! 36, de Lluis Portal

El vienres 23 d’abril, a les 20:00 hores, nel Centru Cultural de La Fresnera, en Siero, la compañía Syntexto Teatro va representar la obra del escritor maliayu Lluis Portal, dedicada a la vida de Carlos García de la Concha.

Home conservador, monárquicu, católicu…, durante la dictadura de Miguel Primo de Rivera, De la Concha formó parte de la formación política creada por ésti, la Unión Patriótica. Foi diputáu provincial, y fundador de los ateneos de Villaviciosa y Xixón. Fundó en 1929 -y dirixó- el periódicu local Orientaciones, d’ideoloxía conservadora, que siguió publicándose hasta l’españíu de la guerra. Escribió en castellanu y asturianu. En rima y n’asturianu dio a la imprenta Ensueños y añoranzas (1923) y Cuentos perreros (1953).