Siete años dempués de so muerte apaez un cantar d’Amy Winehouse

Dempués de la muerte de Amy Winehouse el 23 de xunetu de 2011, la mayoría de les sos grabaciones fueron destruyíes. L’oxetivu yera evitar la creación de discos póstumos. Sicasí, un compositor y músicu de Candem, Cil Cang, xubió agora a Youtube una grabación de la cantante cuando yera adolescente.

En My Own Way escúchase la voz d’una jovencísima artista anque col mesmu soul que caracterizó la so música. El cantar foi escritu por Gil Cang y James McMillan y el mesmu Gil escribió na so cuenta de Youtube que quería compartila con tol mundu yá que nunca vio la lluz.

“Tuviéramos escribiendo bastantes melodíes pop, faciendo munches promociones populares con dellos artistes emerxentes, munchos de los cualos teníen un talentu dudoso. Yera un momentu tarrecible para’l pop. Pero Amy vinu a venos, abrió la boca y dexónos ensin aliendu”, recordó Cang en declaraciones al diariu Camden New Journal.