‘Shape of you’ de Ed Sheeran ye’l cantar más escucháu de la hestoria en Spotify

‘Shape of you’ de Ed Sheeran ye’l cantar más escucháu de la hestoria en Spotify depués de superar yá los 1.318 millones de reproducciones y superar asina en más de 1 millón d’escuches al “hit” del raperu canadiense Drake y el so ‘One Dance’.

Shape of you, unu de los ésitos más recién del artista británicu Ed Sheeran, ye “a día de güei” el cantar más escucháu de tolos tiempos en Spotify, la principal plataforma d’audiu en streaming, en superando’l récord batíu primeramente por One Dance de Drake.

Según la nota de prensa unviada a los medios no cabero de setiembre, la tema superó yá los 1.318 millones de reproducciones y devasa asina en más de 1 millón d’escuches al “hit” del raperu canadiense. Amás, según les estadístiques de Spotify, Ed Sheeran ye “anguaño” l’artista más riquíu nel so catálogu, con más de 40 millones d’usuarios, y el segundu artista con más reproducciones de tolos tiempos, con mil millones, solo superáu precisamente por Drake.

Shape of you foi unu de los senciellos de presentación del so tercer y últimu discu d’estudiu, “÷ (Estrema)” (2017), que pulverizó’l récord d’escuches el día de la so publicación, con 56,7 millones nuna sola xornada. L’álbum aportó a nomáu al Premiu Mercury, el que concede la crítica británica al meyor trabayu musical del añu, y asitió inclusive nueve temes nel “top 10” de les llistes de vientes del so país.