Segunda edición de los cursos gratuitos de formación en tecnoloxía pa families d’Avilés

Al igual que yá fixera mientres el pasáu añu, el Serviciu d’Educación del Conceyu d’Avilés ufierta cinco cursos gratuitos empobinaos a les families del alumnáu matriculáu en centros de la ciudá.

Los cursos van impartise de manera telemática y traten sobro’l manexu de distintes ferramientes informátiques que’l so usu viérase amontáu dende’l confinamientu, por cuenta de la estensión de la educación non presencial.

Asina, los cinco cursos o “píldores formatives” ufiertaes tomen l’aprendizaxe nel usu d’aplicaciones informátiques como Microsoft Teams, Microsoft Outlook o Google Drive, xuntu cola conversión de documentos en formato Microsoft Word a PDF, o la xestión de la privacidá ya identidá dixital de los y les menores. Van Poder inscribise hasta 50 persones per cursu.

Esta iniciativa, qu’algama la so segunda edición, partió dende les Asociaciones de Madres y Padres (AMPAs) y dende los centros educativos d’Avilés, que treslladaron al Serviciu d’Educación la conveniencia de formar a les families en conteníos básicos pa disponer d’una formación tecnolóxica básica, daqué fundamental nel actual escenariu educativu marcáu pol COVID-19.

Ente’l llunes 1 y el vienres 5 de febreru va permanecer abiertu’l plazu d’inscripciones en cada unu de los cinco cursos. Pa realizar esti trámite, les persones comenenciudes tendrán de contactar col AMPA de los sos respectivos centros educativos. va facilitáse-yos un formulariu que tendrán de rellenar y unviar robláu a la dirección de corréu electrónicu abvazquez@aviles.es. El formulariu tamién puede descargase faciendo clic aqui.