Sal a la lluz un cantar de ‘The Kinks’ que llevaba 50 años guardáu

Sal a la lluz un cantar de ‘The Kinks’ que llevaba 50 años guardáu, Time Song, que la banda de pop-rock The Kinks acaba de publicar.

Time Song, un cantar inéditu que la banda de pop-rock The Kinks acaba de publicar, tuvo más de mediu sieglu guardáu nun caxón y agora, de sópitu, los sos artífices quieren que sala a la lluz. Interpretáu nel Theatre Royal en xineru de 1973, celebrando la entrada de Gran Bretaña nel Mercáu Común Européu, de magar, nun se volviera a saber d’elli.

El cantar volvió con motivu del 50 aniversariu de The Kinks Llabre The Village Green Preservation Society, unu de los álbumes más clásicos del grupu, que data del 1968. A principios de 2018, Ray Davis, vocalista y compositor de la banda, entemeciolu y agora forma parte d’una nueva caxa de luxu, que sale a la vienta pa dicha celebración. Sicasí, el cantar formó parte de les sesiones d’otru discu: Preservation Act I.

”Cuando tocamos nun conciertu en Drury Lane en 1973 pa “celebrar” que tábamos a puntu de xuninos al llamáu Mercáu Común, decidí usar el cantar como una alvertencia de que’l tiempu taba escosándose pal antiguu Imperiu Británicu. Esti cantar foi grabáu unes selmanes más tarde, pero nunca llegó a la corte final nel álbum Preservation Act I”, dixo Ray Davis, según recueye una nota de prensa de la discográfica BMG.

Preservation: Act 1, que se llanzó en 1973, nun tuvo una bona acoyida nin pola crítica nin pol públicu. Esto traducióse n’unos males resultancies de vienta. Sicasí, pa Ray Davis tratar del so proyectu más ambiciosu dende un puntu de vista artísticu. Ese mesmu añu proclamaríase l’ésitu de Xesucristo Supestar y Quadrophenia, polo que los Kinks tuvieron la idea de faer daqué similar con una ópera rock.