“Sabores de plaza en plaza” n’Avilés crez con una xornada más

Del 1 al 5 d’agostu, en casetes partíes ente les places d’El Carbayéu, Álvarez Acebal, Carlos Lobo y El Carbayu va desenvolvese la tercer edición de “Sabores de plaza en plaza” n’Avilés qu’esti añu xorrez con una xornada más.

Del 1 al 5 d’agostu a la ufierta gastronómica de “Sabores de plaza en plaza” van sumase un añu más les actuaciones musicales y el sortéu d’un viaxe pa dos persones, sigún anunciara’l conceyal de Promoción de Ciudá, Manuel Riola el xueves pasáu al presentar esta iniciativa turísticu-gastronómica que se va desenvolver ente los díes 1 y 5 d’agostu impulsada pol Conceyu d’Avilés y Hostelería Contorna Avilés-UCAYC. Anguaño, “Sabores de plaza en plaza” pasa por tantu de 4 a 5 xornaes d’actividá.

Establecimientos hosteleros de la ciudá van participar nesta edición, allugaos en casetes distribuyíes en cuatro espacios singulares del cascu históricu d’Avilés: les places de Carlos Llobu, Domingo Álvarez Acebal, El Carbayo y El Carbayedo, qu’amás van cuntar cola ambientación musical. Les casetes van permanecer abiertes del 1 al 5 d’agostu n’horarios de 13 a 16 hores y de 20 a 23 hores.

“Sabores de plaza en plaza” ye una iniciativa turísticu-gastronómica na que los hosteleros participantes ufierten tapes/taragaños d’orixinal ya innovadora creación, coles curioses places del cascu históricu avilesín como escenariu. Los veceros van poder tastiar propuestes gastronómiques distintes en cada caseta, acompañaes de vinu, cerveza o agua.

L’oxetivu d’esta iniciativa ye convertir el paséu y la visita a la ciudá nuna esperiencia distinta, conxugando la faceta gastronómica con ambientación musical itinerante poles cuatro places. Esta cita tien tamién l’oxetivu de reforzar y proxectar la imaxe turística de la ciudá como enclave ricu en propuestes culturales, gastronómiques y d’ociu.

Los establecimientos participantes nesta edición son los siguientes:

Plaza del Carbayu:

• El Pañol
• El Fuero
• El Viejo Ábside

Plaza del Carbayéu

• Moma
• Galiana 54
• Las Gildas
• Le Mystic

Plaza de Carlos Lobo

• La Llosa
• El del Medio
• La Dársena
• El Portón

Plaza d’Álvarez Acebal

• Merlot Vinos y Tapas
• El Café de Pandora
• Punto de Encuentro La Madreña