Portada Comunicación Cirque du Soleil representará en Xixón OVO pal mes de xunetu

Cirque du Soleil representará en Xixón OVO pal mes de xunetu

by redacción asturnews

Cirque du Soleil reveló qu’esti 2023 va recalar en Xixón, magar nun apaeza entá la ufierta d’entraes na so web, gracies a la estrecha collaboración y sofitu de Divertia Xixón. Y na ciudá asturiana va presentar el so espectáculu OVO, un show que podrá esfrutase en formatu pabellón, nel Palaciu de Deportes de la Guía “Presidente Adolfo Suárez” a finales del mes de xunetu.

Cirque du Soleil llegó a España per primer vegada un xueves 19 de febreru de 1998 y esi mesmu día, tendría llugar l’estrenu del so montaxe Allegría na Gran Carpa instalada en Madrid. 25 años, 17 shows, 22 ciudaes y 9 millones y mediu d’espectadores dempués, puede afirmase, ensin dulda, qu’esa primer nueche d’estrenu n’España marcó l’empiezu d’una hestoria d’amor recíproco entre Cirque du Soleil y el públicu español que sigue a día de güei, cuando la compañía celebra, cola ilusión de la primer vegada, un cuartu de sieglu d’alcordances compartíes. Por eso, más que nunca, 2023 ye un añu pa celebrar y, sobremanera, pa siguir construyendo nuevos momentos memorables de mancomún xuntu al públicu que siempres acompañó a Cirque du Soleil en caúna de les ciudaes españoles nes que tuvo.

El pistoletazu de salida d’estos dolce meses d’aniversariu tuvo llugar la nueche del pasáu xueves 16 de febreru nel Círculu de Belles Artes de Madrid nuna fiesta na que cargos institucionales, cares conocíes, medios, siguidores y amigos, celebraron estos 25 años al pie de la compañía canadiense. Xuna ocasión única por que Luc Boucher, Global Head of Marketing de Cirque du Soleil, desvelara a los asistentes dalgunos de los sos próximos planes n’España.

Ente les sorpreses que s’anunciaron, Cirque du Soleil reveló qu’esti 2023 va recalar en Xixón, gracies a la estrecha collaboración y sofitu de Divertia Xixón. Na ciudá asturiana va presentar el so espectáculu OVO, un show llenu de vida, movimientu,enerxía y acrobacies, que podrá esfrutase en formatu pabellón, nel Palaciu de Deportes de la Guía “Presidente Adolfo Suárez” a finales del mes de xunetu de 2023.

Más información

Tamién te podria gustar