Portada Convocatories Ruma Berbero lleva a “La Chelita” a La Semiente de L’Entregu

Ruma Berbero lleva a “La Chelita” a La Semiente de L’Entregu

by asturnet

El dibuxante y músicu Ruma Barbero, miembru del grupu de folk Felpeyu, Presenta esti xueves 16 de mayu nel Centru Social Autoxestionáu La Semiente la so nueva novela gráfica: La Chelita. El Salvador 1992. Na presentación va faese una proyeción de material graficu sobre El Salvador y tamien habra firma d’exemplares. La actividá tará presentada por Javier Arjona, miembru de Soldepaz Pachakuti y conocíu cooperante internacional, que compartirá coles asistentes la situación en El salvador antes y depués de la paz.

Barbero, que ganara’l premiu Alfonso Iglesias de Cómic en Llingua Asturiana na so edición de 2009 por Manzajú, vuelve ofrecenos una nueva narración gráfica na que exhibe’l so dominiu técnicu de tolos recursos propios del cómic. L’apaición d’esta nueva publicación cobra una especial importancia pos nun son munches les posibilidaes d’atopanos con esti xéneru lliterariu na lliteratura asturiana. Editá n’asturiano por Tierra Llibros, La Chelita ye una novela gráfica de 160 páxines que fala de les vivencies y testimonios de los cooperantes internacionales y veteranos de la guerrilla salvadoreña. Asina, el cómic ye un viaxe personal pela historia más tráxica d’El Pulgarcito d’América Llatina, con testimonios autobiográficos y esperiencies humanes cola guerra y cola paz.

Tamién te podria gustar