Rodrigo Cuevas y Valle Roso dan tonu al Festival Arcu Atlánticu

Rodrigo Cuevas y Marisa Valle Roso van dar esta selmana una tonalidá asturiana dafechu al Festival Arcu Atlánticu na Plaza Mayor de Xixón, actuando esti martes y el xueves a les 22 hores.

Rodrigo Cuevas, compositor y cantante que se define a sí mesmu como “axitador folclóricu”,ufierta una desmitificadora revisión de la música tradicional asturiana al traviés d’un discursu lúcido y sexy que ruempe les fronteres de la corrección.

Consciente ye’l nuevu trabayu de Marisa Valle Roso, que s’enfusa en soníu folk, pop, llatinoamericanu y d’autor. Con un estilu nuevu y frescu, supera los sos anteriores llímites y atrévese con Chavela Vargas, Víctor Manuel o la gran Violeta Parra.

Rodrigo Cuevas va actuar na Plaza Mayor de Xixón a les 22h, dientro del Festival Arcu Atlánticu, esti martes 24 y la cantante de tonada va facelo’l xueves 26 a la mesma hora y nel mesmu llugar.

Web de Marisa Valle Roso.