Portada Música Robe Iniesta, d’Extremoduro, anuncia una xira en solitariu

Robe Iniesta, d’Extremoduro, anuncia una xira en solitariu

by redacción asturnews

Robe Iniesta, d’Extremoduro,  anunció la selmana pasada los detalles d’una nueva xira que va ufiertar en 2021 y que lu va llevar a Mérida el 23 de setiembre nel marcu del Stone & Music Festival y a Plasencia en dos causes el 8 y el 9 d’ochobre.

La xira ‘Agora ye’l momentu’ ta integrada por una ventena de conciertos en solitariu que va arrincar el próximu 4 de setiembre en Granada, para siguir per otres ciudaes españoles como Valencia, Madrid, Murcia, Bilbao o Barcelona.

Asina lo dio a conocer el mesmu guitarrista, cantante y compositor de Extremoduro mientres un eventu celebráu nel Círculu de Belles Artes de Madrid. La xira va ser la presentación del so últimu trabayu ‘Mayéutica’. Por cuenta de la situación actual marcada pola pandemia, dirá informándose del estáu de cada conciertu poles canales oficiales, activando les entraes de cada unu d’ellos 15 díes antes del mesmu, dende la web oficial. Robe Iniesta confirmó que se van anunciar más conciertos pa feches a partir de mayu de 2022.

Tres la so primer xira en solitariu en 2017, Robe Iniesta va visitar n’ente setiembre y payares Granada, Valencia, Rivas Vaciamadrid (Madrid), Fuengirola (Málaga), San Fernando (Cádiz), Mérida, Sevilla, San Sebastián, Santander, Plasencia, Murcia, Alicante, Pamplona, Navarra, A Coruña, Bilbao, Zaragoza, Avilés (Asturies), Valladolid y Barcelona.

Tamién te podria gustar