Ribeseya celebra’l so IV Festival de Bandes de Gaites

Esti sábadu día 10 d’ochobre a les 18:30, entama’l IV Festival Villa de Ribeseya col desfile de los cuatro grupos que participen nel festival d’esti 2015.

Darréu, na carpa instalada na Plaza Nueva de Ribeseya, los grupos ufiertarán l’espectáculu que traen esti añu a Ribeseya. Les Bandes son la Banda de Gaites El Corveru, la BG El Trasno (Coaña), la BG Castrillón y la Banda de Ribeseya.

El sábadu pela mañana a les 13 hores nel Salón d’actos de la Casa de Cultura habrá una conferencia de Fonsu Fernández, Direutor del Muséu de la gaita de Xixón, sobre “La formación del repertoriu musical de la gaita asturiana”.

El domingu día 11 a les 18:00 primer concursu de pareyes (gaita-tambor) “Eduardo’l de Sardéu” na Pza Nueva de Ribeseya teniendo los interesaos hasta vienres día 9 d’ochobre de plazu pa inscribise.  Les bases y la fueya d’inscripción d’esti I Concurso de Pareyes de Gaita y tambor ” Eduardo’l de Sardéu” puen atopase nel Facebook de la banda de gaites.  Los xueces del concursu van ser como xueza de gaita Andrea Joglar, como xuez de tambor Manuel Durán, y xuez de conxuntu Marco Antonio Guardado.

Esti añu, dientro de les xeres del festival, la BGRibeseya venderá camisetes moraes y por cada una que se venda, donará 2’00€ a Bike4Rett. Amás habrá huches instalaes na carpa pa que los asistentes donen lo que-yos pete y pulseres de Bike4Rett pa la mesma asociación.