Récord de participantes nos programes d’ociu xuvenil n’Uviéu en 2015

La Comisión Municipal de Siguimientu del mentáu Plan Municipal, presidida pola conceyala Marisa Ponga, vieno acabante revisar la Memoria del añu pasáu y les actividaes previstes pal actual exerciciu, contabilizando más de 7.000 mozos nos programes d’ociu xuvenil n’Uviéu.

El Plan Municipal sobre Drogues del Conceyu tamién entamó, el pasáu cursu, el Programa Xuegu de Llaves dirixíu a ESO y l’Actividá Creación audiovisual y prevención del consumu d’alcohol p’alumnos de segundu ciclu d’Educación Secundaria, Bachilleratu y FP Grau Mediu pal que se recibieron más de 9.0000 solicitúes de participación 42 centros educativos del conceyu.

El Plan Municipal sobre Drogues del Conceyu d’Uviéu ye un preséu impulsáu dende la corporación local que promueve y coordina les actuaciones que se desenvuelven nel conceyu en materia de drogodependencias. L’Auditoriu acoyó esta tarde la xunta de Comisión Municipal de Siguimientu del mentáu Plan.  Presidida pola concejala d’Atención a les persones ya Igualdá, Marisa Ponga, la xunta ¬–na que tán representaes 41 entidaes de distintes árees municipales y representantes de la iniciativa social y privao, amás de los grupos políticos municipales- sirvió p’aprobar les llínees d’actuación y les distintes actividaes a llevar a cabu anguaño y pa dar lluz verde a les acometíes en 2015.

Mientres 2015 atendiéronse na Oficina d’Información y Asesoramientu del PMsD un total de 3.245 demandes, lo que supon un aumentu al respective de los datos del 2014, nel que s’atendieron 3.042 demandes.

Per otru llau, siguióse col desenvolvimientu del Programa Infórmate-OH, dirixíu a prevenir el consumu abusivu d’alcohol. Les actuaciones desenvueltes anguaño nel marcu d’esti Programa centráronse fundamentalmente n’informar sobre la nueva normativa que regula la vienta y consumu de bébores alcohóliques, pa ello hanse utilizáu tantu l’estremáu web del Programa agospiáu en www.oviedo.es , como una páxina creada nuna rede social pa esta campaña. Na web recibiéronse 2.230 visites y cola rede social algamóse a 1.599 moces. Como novedá destacable p’anguaño en relación a esti Programa señalar qu’estes actuaciones d’información y sensibilización sobre la nueva normativa dirixiéronse tamién al sector d’hostelería y responsables de los chiringos instalaos nes fiestes de San Mateo, a un total de 48 establecimientos de la zona del antiguu y cai la Rosal.

Al igual que n’años anteriores, desenvolvióse una campaña de sensibilización sobre’l consumu de tabacu con actividaes y materiales específicos empobinaos a mozos, a población adulta y a personal del Conceyu. Asina mesmu, desenvolviéronse dos talleres de deshabituación tabáquica en collaboración cola Asociación Española Contra’l Cáncer, nos que participaron 28 persones.

Como novedá anguaño, realizóse una nueva publicación dende’l PMSD: “La creación audiovisual como estratexa de prevención de drogodependencias”. Tratar d’una guía pa trabayar con moces de manera creativa ya innovadora la prevención de drogodependencias.

No que se refier a la ufierta de programes de promoción de la salú y prevención de drogodependencias que se realiza cada añu a los centros educativos, destaca la incorporación a la ufierta de dos nuevos programes: El Programa Xuegu de Llaves dirixíu a ESO y l’Actividá Creación audiovisual y prevención del consumu d’alcohol dirixida a segundu ciclu d’Educación Secundaria, Bachilleratu y FP Grau Mediu. Al traviés de l’ampliación y actualización d’esta ufierta que toma toles etapes educatives, obligatories o non, aumentó notablemente’l númberu de centros educativos que demanden el desenvolvimientu de dalgún de los programes propuestos. En concretu pal cursu escolar 2015-16, recibiéronse solicitúes de participación d’un total 42 centros educativos y de 9.021 alumnos/as.

Amás del trabayu en centros educativos, promuevese’l desenvolvimientu de programes de prevención de drogodependencies n’otros espacios formativu-llaborales dirixíos a mozos como les escueles taller. Nesti sentíu trabayóse en collaboración con toles escueles taller del Conceyu, algamando con estes intervenciones a 56 moces.

El trabayu realizáu colos y les menores, complementose colos programes y actuaciones empobinaes a families. Mientres 2015, participaron un total de 136 madres/padres nos Talleres d’Habilidaes Educatives pa Families y otres actuaciones empobinaes a esti colectivu.

Pa la ellaboración de la Propuesta de Programación d’Actividaes del añu 2016 tiénense en cuenta les llínees d’acción marcaes pol Plan sobre Drogues del Principáu d’Asturies 2010/2016, la Estratexa Nacional sobre Drogues 2009-2016 y el so correspondiente Plan d’Acción 2013/2016 según l’analís de les resultancies de los programes y actuaciones desenvueltos dende’l PMsD n’años anteriores.

Pa 2016, amás de caltener actuaciones consolidaes destáquense les siguientes novedaes:

– Usu de les redes sociales como ferramienta d’espardimientu d’información, tantu d’actividaes desenvueltes pol PMsD, como d’información sobre drogues y drogodependencias.
– Impulsu de nueves actuaciones empuestes a prevenir l’usu desaparente y el consumu abusivu d’alcohol y otres drogues nes que les persones nueves nun sían solo’l colectivu destinatario de les mesmes sinón que participen viviegamente nel diseñu y desenvolvimientu de les mesmes (usu de redes sociales, formación de mediador/as xuvenil, etc.).
– Espardimientu d’una campaña d’información y sensibilización empobinada a families sobre la Llei del Principáu d’Asturies 4/2015, d’atención integral en materia de drogues y bébores alcohóliques
– Impulsu del desenvolvimientu de programes de prevención familiar, tantu universal como selectiva, dirixíos a families con menores n’edá adolescente.
– Impulsu de la coordinación cola Conceyalía de Salú Pública y otru tipu de recursos sociosanitarios, y desenvolvimientu d’actuaciones empobinaes a la población empuestes a prevenir l’usu indebíu de sicofármacos.
– Contactu con nuevos colectivos de profesionales d’hostelería y otru tipu d’entidaes qu’ufierten de manera puntual servicios d’hostelería (asociaciones de festexos, chiringos de San Mateo, asociaciones que promueven el desenvolvimientu de fiestes populares, etc.) pal desenvolvimientu d’acciones formatives y de sensibilización empobinaes a esta población.