Rammstein desafía les lleis homófobes de Putin nun conciertu en Moscú

Los guitarristes de la banda de metal alemano Rammstein, Richard Kruspe y Paul Landers, aprovecharon un conciertu en Moscú pa protestar contra les lleis ruses qu’azoten los derechos de la comunidá LGTBIQ+.

Dambos sosprendieron con un besu para retar a Vladímir Putin, presidente de Rusia, que vieno acompañáu d’un “Rusia, te amamos” en Instagram. Daqué que podría tener consecuencies llegales para’l grupu, pos la imaxe podría ser considerada como propaganda LGTBIQ+.

Distintes lleis fueron desenvueltes en Rusia mientres los últimos años p’amenorgar ya inclusive torgar la llibertá d’espresión de la comunidá alredor del país. El mesmu Putin dixo en xunu que yera necesariu “dexar a los neños en paz”, por que ellos decidan quien son.

Pero en Rusia yá tendríen de saber quién son Rammstein. Una banda comprometida cola llibertá d’espresión y la llibertá sexual. La so batería, por casu, yá sacó una bandera gai la selmana pasada nun conciertu en Polonia. Un sitiu últimamente caracterizáu pola so acentuada homofobia nes cais.