Portada Comunicación Radio Sele emite una entrevista grabada al sindicalista asesináu en Colombia

Radio Sele emite una entrevista grabada al sindicalista asesináu en Colombia

by asturnet

Radio Sele va emitir esta nueche a les 23.00 la entrevista que-y fizo n’abril d’esti añu al sindicalista colombianu Luciano Romero Molina, asesináu va unos díes nel so país por paramilitares. La conversa cola emisora asturiana foi una de les últimes que caltuvo Romero con medios del estáu enantes de volver a Colombia.

El sindicalista asesináu yera ún de los refuxaos políticos acoyíos al programa de l’Axencia Asturiana de Cooperación pa militantes de movimientos sociales amenazaos nos sos países d’orixen por motivos políticos. Na so estancia n’Asturies, Luciano Romero participó en numberoses actividaes públiques y sofitó a diversos colectivos. El so asesinatu, va unos díes, causó una fonda conmoción nos movimientos sociales asturianos.

Tamién te podria gustar