La influencia del Quixote centra los Alcuentros lliterarios de Verines

La herencia lliteraria del Quixote nes tradiciones actuales de les diverses llingües del estáu ye l’asuntu alrodiu del que xiren los Alcuentros lliterarios de Verines qu’escomiencen güei y van rematar mañana viernes. Xuan Bello ye l’únicu representante de les lletres asturianes n’atopada qu’entamen el Ministeriu de Cultura y la Universidá de Salamanca.

Xunto al autor de “Historia Universal de Paniceiros” van tar presentes na edición d’esti añu de Verines, escritores como Jon Kortázar, Alfredo Conde, Juana Salabert, Felipe Benítez Reyes o Antonio Orejuelo. Toos ellos, hasta un total de 26 autores, van debatir alrodiu de la buelga de la obra cervantina nes lletres actuales del estáu.

Como novedá de la edición d’esti añu, los Alcuentros de Verines estrenen sección nel sitiu web del Ministeriu de Cultura. Los archivos coles ponencies y llistaos d’autores presentes en toles anteriores ediciones pueden consultase al través d’un buscador cronolóxicu y nominal.

Alcuentros de Verines