¿Quién-y va a dar la batalla a Netflix?: 5,2 millones de nuevos suscriptores

La plataforma de streaming de vídeu Netflix publicó esta selmana pasada les sos cuentes trimestrales referentes al segundu trimestre de 2018 con 5,2 millones más de suscriptores afitando’l so lliferazgu.

Tal que resaltaron los medios de comunicación, el númberu de suscriptores al serviciu d’entretenimientu online aumentó menos de lo entamao pola compañía, 5,2 millones frente a los 6,2 millones previstos, lo cual fixo menguar el valor de les sos acciones en Bolsa.

El siguiente gráficu de Statista, que recueye los servicios de vídeos en streaming de pagu con más abonaos del mundu, amuesa como Netflix inda s’atopa bien percima de la so actual competencia. Ayeri’l xigante anunció qu’había alcanzáu 130.14 millones de suscriptores en tol mundu. En teoría, a este siguiría-y en númberu Amazon Prime con más de 100 millones d’abonaos. Sicasí, l’abonu del xigante del ecommmerce inclúi otros servicios, ente los que destaca una cuenta premium pa mercar en Amazon en condiciones ventaxoses, polo que’l númberu d’usuarios reales de Prime ye bien posiblemente inferior a los 100 millones.