Portada Sociedá Polémica en Lleón por un llibru que llama al asturlleonés ‘castellanu tradicional’

Polémica en Lleón por un llibru que llama al asturlleonés ‘castellanu tradicional’

by asturnet

El catedráticu de Filoloxía de la Universidá de Valladolid, Cesar Hernánez, y el so equipu d’investigadores asoleyaron cola editorial Ambito, de Valladolid, un diccionariu de más de diecisiete mil palabres y venti mil acepciones, organizáu temáticamente en 51 campos lexicos. Esta voluminosa obra ye causa de la polemica en Lleón por cuenta de qu’entemez palabres de dominiu castellanu con otres que lo son del asturlleones, calificando estes de ‘castellanu tradicional’ y, pa más saña, cuenta cola financiación de la propia Xunta de Castiella y Lleón.

Ensin mecionar en dengún momentu la existencia del dominiu llingüísticu, y ensin facer nin siquiera mención a llingua, dialectu o fala lleonesa o asturlleonesa, los autores despliquen nel prólogu qu’ ‘optaron por ampliar el conceptu de ‘lexicu rural’, (…) faciendo un Diccionariu del castellanu tradicional de notable riqueza’. D’esta manera, palabres como gochín, fuelga, abeseu, bandullu, bubiella, tuero, llábana, filandón, llambrión, dengue, ñal… aparecen catalogaes nel Diccionariu como ‘castellanu tradicional’ ensin más definiciones, pesie a cuntar con una estensa bibliografía onde se recueyen multitú d’estudios monográficos sobre l’asturlleones como los de Menendez Pidal, Guzmán Álvarez, Concha Casado, Cesar Morán, Jose Ramón Morala, Janick Le Men, F. Krüger o Santiago Alonso Garrote.

La polemica qu’estos díes recueye la prensa de la comunidá vecina medra inda más por tratase d’una obra espublizada cola financiación de la propia Xunta de Castiella y Lleón.

Tamién te podria gustar