Portada Escéniques Pablo de Soto gana con “Situation Room” la primer edición del Premiu LAB_JOVEN_EXPERIMENTA

Pablo de Soto gana con “Situation Room” la primer edición del Premiu LAB_JOVEN_EXPERIMENTA

by asturnet

Pablo de Soto ganó esti xueves con “Situation Room” la primer edición del Premiu LAB_JOVEN_EXPERIMENTA. Un proyeutu que va poer vese nes Sales Plataforma de LABoral Centro de Arte y Creación Industrial dende’l mes de xineru.

según desplica la nota prensa de LABoral, “el proyeutu presentáu pol artista y activista asturianu Pablo de Soto Suárez foi seleccionáu como ganador de la primer edición del Premio LAB_Joven_Experimenta, organizáu conxuntamente por LABoral Centro de Arte y Creación Industrial y l’Institutu Asturianu de la Mocedá. La propuesta de Pablo de Soto/hackitectura.net, Situation Room, foi seleccionada ente les 14 que se presentaren a la convocatoria. Situation Room va esponese a partir del 11 de xinero hasta’l 17 de marzu de 2008.

El xuráu que seleccionó la obra de Pablo de Soto (1977) tuvo presidíu pol direutor del Institutu Asturianu de la Mocedá, Guillermo Martínez Suárez y formaron parte del mesmu Ferran Barenblit, director del Centre d’Art Santa Mònica de Barcelona; Mónica Bello, comisaria independiente, de Barcelona; Rosina Gómez-Baeza, directora de LABoral Centro de Arte y Creación Industrial; y Erich Berger Comisariu Xefe del Centru d’Arte.

Tamién te podria gustar