Otello va llegar al Teatru de La Llaboral

El próximu vienres 28 d’ochobre, de magar les nueve la nueche, el Teatru de La Llaboral va acoyer la obra Otello, que va poner n’escena’l Teatru de la Ópera Internacional de Donetsk con más de 120 artistes ente coros, orquesta y músicos, enllenando la escena.

Na obra Otello, militar de la república de Venecia, ye destináu a la islla de Chipre pa lluchar contra los turcos. Por cuenta de la so personalidá, consumida polos celos, acaba cola vida de la so esposa Desdémona.

L’adaptación, al cargu de Arrigo Boito básase na rellación que forma’l triángulu Otello, Yago y Desdémona, interesándose obsesivamente pol drama interior y pola circulación de pasiones, barruntos y autodestrucción.

La obra estrenóse’l 5 de febreru de 1887 na Scala de Milán y supón una auténtica “revolución verdiana”.