Nueves ayudes del Plan de Fachaes pal cascu históricu d’Avilés

El Conceyu d’Avilés vieno acabante abrir la convocatoria pa otorgar les subvenciones del Plan Municipal de Fachaes 2015, que xorrez hasta 336.900 euros.

El plazu pa la presentación de les solicitúes de toles comunidaes de vecinos y propietarios que quieran optar a les mesmes remata’l próximu día 31 d’ochobre. El presupuestu total d’esta convocatoria d’ayudes ye de 336.900 euros, frente a los 200.174 euros de 2014.

Anguaño’l presupuestu dedicáu a esta convocatoria amontóse en casi 137.000 euros al respective de 2014. Algama los 336.900 euros frente a los 200.174 euros del pasáu añu.

Les subvenciones van cubrir un máximu del 65% del costu total de les obres nos edificios que’l so frente da al Centru Niemeyer, ente que’l máximu nel restu d’edificios de la ciudá va ser del 50%. L’ayuda máxima a conceder por edificiu ye de 12.000 euros.

Les solicitúes van poder presentase nel Rexistru Xeneral del Conceyu d’Avilés. La Convocatoria y los sos Anexos tán disponibles pa la so consulta al pié d’esta páxina, nel Tablón d’Anuncios del Conceyu, nel Serviciu d’Atención Ciudadana, y nel edificiu de Servicios Técnicos (C/ La Ferrería, 15).