‘Nomadland’ y ‘The Crown’ trunfen nos Critics Choice Awards

La galardonada road movie Nomadland y la serie de televisión The Crown volvieron repitr trunfu nos premios Critics Choice en ganando na pasada edición de los Globos d’Oru.

Los galardones qu’apurre cada añu la Critics Choice Association (CCA) valoraron la cinta sobro una muyer que viaxa como una nómada nuna caravana en perdiéndolo too na crisis de 2008 como meyor película y a la so realizadora Chloé Zhao como meyor directora nuna ceremonia híbrida que llegó’l domingu al so 26ª edición y que foi presentada pol actor de teatru y televisión Taye Diggs.

Nomadland tamién se llevó los premios al meyor guion afechu pa Zhao y fotografía pal escelente trabayu de Joshua James Richards. Pela so parte, la esitosa serie de Netflix sobro la familia real británica llogró otres cuatro estauínes al meyor serie de drama, meyor actriz (Emma Corrin), actor (Josh O’Connor) y actriz de repartida para Gillian Anderson.

Nel terrén interpretativu’l malográu Chadwick Boseman foi escoyíu como meyor actor pol so papel en La madre del blues, y asítiase como un firme candidatu de cara a los Oscar, y Carey Mulligan fixo lo propio como meyor actriz por Una moza prometedora, otra de les sensaciones de la temporada. “Pa quien conocimos a Chad d’una forma íntima personal, aquellos a quien nos enseñó, aconseyó, ye bien difícil atopar un sentimientu de celebración anque teamos arguyosos d’él, pol so trabayu y por quién ye como persona”, señaló la so vilba Taylor Simome Ledward.

El premiu al meyor elencu recayó nel repartu d’El xuiciu de los 7 de Chicago, de Aaron Sorkin y protagonizada por Eddie Redmayne, Sacha Baron Cohen, Mark Rylance y Frank Langella, ente otros.

Apple TV + asitió a Ted Lasso como meyor serie de comedia y al so protagonista Jason Sudeikis como meyor actor en serie de comedia. Ted Lasso, que narra les peripecies d’un inocente entrenador de fútbol americano que prueba suerte nun club de fútbol inglés, anovó para xuna segunda temporada.